شاشه الموت الزرقاء

 

 

شاشه الموت الزرقاء

 

شاشه الموت الزرقاء

لو معاك جهاز كمبيوتر بتستخدمه كتير يبقي اكيد عدت عليك الشاشه دي

و دي واحده من اكتر المشاكل المقرفه اللي ممكن تواجهها علي جهاز الكمبيوتر لما تظهر الشاشه دي , معناها ان النظام واجه خطأ جسيم ملوش حل غير انه يوقف التشغيل لحمايه البيانات

اي هي شاشه الموت الزرقاء ؟

شاشاه الموت الزرقاء هي شاشه بتحصل لما نظام التشغيل ويندوز يواجه خطأ غير متوقع بيمنعه من الاستقرار انه يشتغل , بتكون شاشه زرقاء فيها رساله خطأ و كود معين بيساعدك تعرف سبب المشكله

اشهر اسباب شاشه الموت الزرقاء :-

1. مشاكل في التعرفيات "Drivers issues"

لو التعريفات بتاعت الهاردوير مش متوافقه مع النظام او فيها خطأ , ده ممكن يسبب ظهور الشاشه الزرقاء

2. مشاكل في الرامات "RAM issues"

مشاكل في الرامات ممكن تخلي النظام ميقدرش يعالج البيانات بشكل صحيح , و ده يؤدي لظهور الشاشه الزرقاء

3. مشاكل في القرص الصلب "Hard Drive issues"

لو فيه سلوك اتقطعت في الهارد ديسك او مشاكل في نظام الملفات , النظام ممكن يواجه صعوبه في الوصول للبيانات

4. تعارض في البرامج "Software Conflicts"

بعض البرامج و خصوصا برامج الحمايه و الانظمه الامنيه ممكن تتعارض مع نظام التشغيل و تسبب الشاشه الزرقاء

5. ارتفاع درجه الحراره "Overheating"

ارتفاع درجه حراره المعالج او كارت الشاشه بشكل غير طبيعي ممكن يخلي النظام يوقف لحمايه المكونات

6. تحديثات ويندوز غير مكتمله "Incomplete windows Updates"

احيانا تحديثات الويندوز بتسبب مشاكل في النظام لو ماكتملش بشكل صح

اسهل الحلول لشاشه الموت الزرقاء :-

1. اعاده تشغيل الجهاز

اغلب الوقت بيبقي الحل انك تعمل restart للجهاز

2. تحديث التعريفات

ادخل علي "Device Manger" و اتأكد ان كل التعريفات متحدثه , لو فيه تعريف معين فيه مشكله حاول تعمل تحديث او أعاده تثبيت

3. التحقق من حاله الرامات

استخدم اداه "Windows memory diagnostic" للتحقق من حاله RAM لو فيه مشكله حاول تبدلها او تجرب رامات تانيه

4. التحقق من حاله الهارد ديسك

استخدم اداه "Check disk" بالكتابه في CMD هتكتب chkdsk /f لفحص و اصلاح الاجزاء التالفه في الهارد

5. استعاده النظام

لو الشاشه الزرقاء ظهرت بعد تثبيت برنامج جديد او تحديث , حاول تستخدم "Sysrem Restore" للرجوع لنقطه استعاده سابقه

6. اعاده تثبيت الويندوز

لو الحلول اللي فاتت منفعتش , ممكن تضطر تثبت الويندوز من اول و جديد

نصيحه اخيره :-

شاشه الموت الزرقاء ممكن تكون مؤشر علي مشكله جديده , ف لو ظهرت لك بشكل متكرر ئو مهم انك تاخد وقتك في تشخيص المشكله و تلاقي الحل المناسب قبل ما المشكله تكبر و تعمل مشاكل اكبر